વડોદરાના દિવાળીપુરા વિસ્તારમાં આવેલી જિલ્લા કલેક્ટર કચેરીને અજાણ્યા ઈ-મેલ મારફતે બોમ્બથી ઉડાવી દેવાની ધમકી મળતા તંત્રમાં દોડધામ મચી ગઈ. સાવચેતીના ભાગરૂપે કચેરી તાત્કાલિક ખાલી કરાવી દેવામાં આવી અને કર્મચારીઓને રજા આપવામાં આવી. બોમ્બ સ્ક્વોડ અને ડોગ સ્ક્વોડ દ્વારા સર્ચ ઓપરેશન હાથ ધરાયું છે. હાલ સુધી કોઈ શંકાસ્પદ વસ્તુ મળી નથી, જ્યારે ઈ-મેલ મોકલનારની શોધખોળ માટે સાયબર ક્રાઈમ બ્રાન્ચ તપાસ કરી રહી છે.
