કડી તાલુકાના વડાવી ગામમાં 45 વર્ષથી વસેલા તરસનિયા પરાના સમગ્ર વિસ્તારનો વેચાણ દસ્તાવેજ અમદાવાદના એક બિલ્ડરના નામે થઈ જતા ભારે વિવાદ ઉભો થયો છે. સર્વે નંબર 333 પર આવેલી પ્રાથમિક શાળા, આંગણવાડી, મંદિર અને વસવાટ વિસ્તાર હોવા છતાં સબ રજિસ્ટ્રાર કચેરીમાં દસ્તાવેજ થવાની ઘટના સામે આવતા મામલતદાર સહિતના રેવન્યુ અધિકારીઓ હરકતમાં આવ્યા છે. દસ્તાવેજ સામે વાંધા અરજી નોંધાવી તપાસના આદેશ આપવામાં આવ્યા છે અને સમગ્ર મામલે કાયદેસરની કાર્યવાહી હાથ ધરવામાં આવી રહી છે.
