અમદાવાદ મ્યુનિસિપલ કોર્પોરેશન (AMC) દ્વારા શહેરમાં પાણીજન્ય રોગચાળો કાબૂમાં લેવા અનોખી ઝુંબેશ શરૂ કરવામાં આવી છે. પૂર્વ અમદાવાદના 26 વિસ્તારોમાં પાણીપુરી વિક્રેતાઓના માટલામાં ક્લોરિન ટેબ્લેટ નાખવામાં આવશે. તંત્રના ત્રણ વર્ષના ડેટા મુજબ ઝાડ, ટાયફોડ અને કોલેરાના કેસ ખાસ કરીને આ વિસ્તારોમાં વધુ નોંધાયા હતા. એએમસીની હેલ્થ ટીમ બહેરામપુરા, દાણીલીમડા, ખોખરા અને ન્યૂ મણીનગર સહિતના વિસ્તારોમાં આ કામગીરી હાથ ધરશે. આ ઉપરાંત હાઇ રિસ્ક વિસ્તારોમાં કરિયાણાની દુકાનોને પણ ક્લોરિન ટેબ્લેટ વિતરણ કરાશે.
