ગુજરાત મેટ્રો રેલ કોર્પોરેશન (GMRC) ટૂંક સમયમાં ફેઝ-2 અને ફેઝ-2બીનું કામ શરૂ કરશે. કોટેશ્વરથી એરપોર્ટ સુધીનો 6 કિમી અને ગિફ્ટ સિટીની અંદર 3.3 કિમીનો રૂટ આગામી ત્રણ વર્ષમાં તૈયાર કરવાનો લક્ષ્ય છે. એરપોર્ટ રૂટ માટે આશરે ₹1800 કરોડ અને ગિફ્ટ સિટી રૂટ માટે ₹900 કરોડનો ખર્ચ થવાનો છે. કોટેશ્વરથી એરપોર્ટ રૂટમાં 3 એલિવેટેડ અને 1 અંડરગ્રાઉન્ડ સ્ટેશન હશે, જ્યારે ગિફ્ટ સિટી રૂટમાં 3 એલિવેટેડ સ્ટેશન બનાવાશે. ફેઝ-2નું 90 ટકા કામ પૂર્ણ થયું છે અને બાકીનું કામ ડિસેમ્બર 2025 સુધી પૂરું થવાની શક્યતા છે.
