કોલકાતાના પ્રખ્યાત બ્રિગેડ પરેડ ગ્રાઉન્ડ ખાતે રવિવારે યોજાનારા ભવ્ય ભગવદ ગીતા પાઠ કાર્યક્રમમાં લાખો ભક્તોની હાજરી રહેવાની શક્યતા વ્યક્ત કરવામાં આવી છે. આયોજકોના જણાવ્યા મુજબ ‘પાંચ લાખો કંટે ગીતા પાઠ’ તરીકે ઓળખાતા આ વિશાળ કાર્યક્રમમાં આશરે પાંચ લાખ લોકો એકસાથે ગીતા પાઠ કરશે.
સનાતન સંસ્કૃતિ સંસદ દ્વારા આયોજિત આ ધાર્મિક સમારોહમાં રાજ્યના પ્રખ્યાત સંતો, આધ્યાત્મિક આગેવાનો અને સીનિયર BJP નેતાઓની પણ ઉપસ્થિતિ રહેવાની શક્યતા છે. સમગ્ર કાર્યક્રમને આધ્યાત્મિકતા અને એકતાનું અનોખું પ્રતિક માનવામાં આવી રહ્યું છે.
