ભારતીય સંસ્કૃતિના મહત્ત્વપૂર્ણ પર્વ દિવાળીને યુનેસ્કોએ ‘ઇન્ટેન્જિબલ કલ્ચરલ હેરિટેજ’ની વૈશ્વિક યાદીમાં સ્થાન આપ્યું છે. દિલ્હી ખાતે લાલ કિલ્લામાં યોજાયેલી ઐતિહાસિક બેઠક દરમિયાન લેવામાં આવેલા આ નિર્ણયથી ભારતના આંતરરાષ્ટ્રીય ગૌરવમાં વધારો થયો છે. વડાપ્રધાન નરેન્દ્ર મોદીએ આ સિદ્ધિને સંસ્કૃતિ, મૂલ્યો અને જ્ઞાનનું વૈશ્વિક માન્યકરણ ગણાવી ખુશી વ્યક્ત કરી. દિવાળીના સમાવેશ સાથે હવે ભારતની કુલ 16 પરંપરાઓ યુનેસ્કોની અમૂર્ત સાંસ્કૃતિક વિરાસતમાં સામેલ થઈ ચૂકી છે.
