પટના (10 નવેમ્બર): બિહારમાં 11 નવેમ્બરે યોજાનારી વિધાનસભા ચૂંટણીના બીજા અને અંતિમ તબક્કાને ધ્યાનમાં રાખીને રાજ્યભરમાં સુરક્ષા વ્યવસ્થા કડક બનાવી દેવામાં આવી છે. ચૂંટણી ફરજો માટે ચાર લાખથી વધુ સુરક્ષા જવાનોની નિમણૂંક કરવામાં આવી હોવાનું અધિકારીઓએ જણાવ્યું છે.
બીજા તબક્કાની મતદાન પ્રક્રિયા 122 વિધાનસભા બેઠકો માટે યોજાશે, જેમાં કુલ 45,399 મતદાન કેન્દ્રો બનાવાયા છે. તેમાં 40,073 ગ્રામ્ય વિસ્તારોમાં છે.
ચૂંટણી આયોગના અધિકારીએ જણાવ્યું કે, “બિહારમાં સ્વતંત્ર અને નિષ્પક્ષ મતદાન સુનિશ્ચિત કરવા માટે ચાર લાખથી વધુ સુરક્ષા કર્મચારીઓને ફરજ પર તહેનાત કરવામાં આવ્યા છે.”
