હિંદી ફિલ્મોના પ્રખ્યાત ‘હી-મેન’ ધર્મેન્દ્રને ઉત્તર પ્રદેશના મથુરા જિલ્લામાં આવેલા સેલખેરા ગામે અનોખી રીતે યાદ કરવામાં આવ્યા. ગ્રામજનો અને ચાહકોએ શનિવારે પરંપરાગત રીતે ‘તેરહવી’નું આયોજન કર્યું, જેમાં લગભગ 10,000 લોકો જોડાયા.
બલદેવ વિસ્તારના આ ગામમાં ચાહકોએ હવન, શાંતિપાઠ અને બ્રહ્મભોજનનું આયોજન કર્યું. સાથે જ શ્રદ્ધાંજલિ રૂપે ધર્મેન્દ્રની સુપરહિટ ફિલ્મ શોલેનું પ્રદર્શન પણ કરાયું.
આયોજકો ગોપાલસિંહ પહલવાન અને લખનસિંહે જણાવ્યું કે આખું ગામ ધર્મેન્દ્રને પોતાના પરિવારના સભ્ય સમાન માને છે. “તેમના અવસાનથી અમે ખૂબ દુઃખી છીએ; અમારા સન્માન અને સ્નેહ વ્યક્ત કરવા ‘તેરહવી’ના વિધિ અનુસાર શ્રદ્ધાંજલિ આપી,” એમ તેઓએ કહ્યું.
