મહારાષ્ટ્રમાં પ્રેમ સંબંધને લઈને થયેલી શંકાએ એક મહિલાનો જીવ લીધો છે. કોલ્હાપુર જિલ્લાના રહેવાસી પ્રકાશ આનંદા પાટીલે પોતાની મહિલા સાથી પર અન્ય વ્યક્તિ સાથે સંબંધ હોવાની શંકાના આધારે ગળું દબાવી તેની હત્યા કરી હોવાનું પોલીસ તપાસમાં સામે આવ્યું છે. હત્યા બાદ આરોપીએ મૃતદેહને કારમાં મૂકી કોલ્હાપુરથી ઠાણે સુધી લઈ જવાનો પ્રયાસ કર્યો હતો. જોકે પોલીસને માહિતી મળતા આરોપીને ઝડપી લેવામાં આવ્યો હતો. મૃતક મહિલા વિધવા હતી અને બંને વચ્ચે લાંબા સમયથી સંબંધ હોવાનું તપાસમાં બહાર આવ્યું છે. પોલીસે મૃતદેહ કબજે કરીને પોસ્ટમોર્ટમ માટે મોકલી આપ્યો છે અને આરોપી સામે હત્યા સહિતની ગંભીર કલમો હેઠળ ગુનો નોંધ્યો છે. સમગ્ર ઘટનાએ રાજ્યમાં ભારે ચકચાર મચાવી છે.
