અયોધ્યા-પ્રયાગરાજ હાઈવે પર કલ્યાણ ભદરસા ગામ નજીક બોલેરો અને ટ્રેક્ટર-ટ્રોલી વચ્ચે ભયંકર અથડામણ થઈ, જેમાં ત્રણ શ્રદ્ધાળુઓનાં મોત અને 11થી વધુ લોકો ઈજાગ્રસ્ત થયા. મૃતકો મધ્યપ્રદેશના રીવા જિલ્લાના રહેવાસી હોવાનું સામે આવ્યું છે. અકસ્માત એટલો જોરદાર હતો કે બોલેરોનો કચ્ચરઘાણ નીકળી ગયો. ઘટના સ્થળે પોલીસ અને એમ્બ્યુલન્સ પહોંચી ઈજાગ્રસ્તોને હોસ્પિટલમાં ખસેડ્યા.અયોધ્યા દર્શન માટે જઈ રહેલા મધ્યપ્રદેશના રીવાના શ્રદ્ધાળુઓ સાથે ભયાનક અકસ્માત બન્યો છે. અયોધ્યા-પ્રયાગરાજ હાઈવે પર લિટલ ફ્લાવર સ્કૂલ નજીક પૂરઝડપે દોડતી બોલેરો ટ્રેક્ટર-ટ્રોલી સાથે સામસામે અથડાઈ ગઈ. ઘટનામાં ત્રણ શ્રદ્ધાળુઓનાં સ્થળપર જ મોત થયા છે, જ્યારે 11થી વધુ લોકો ગંભીર રીતે ઈજાગ્રસ્ત થયા છે. બોલેરો એટલી હદે ચકનાચૂર થઈ ગઈ કે રેસ્ક્યુ કરવામાં પોલીસને પણ મુશ્કેલી પડી. મુખ્યમંત્રી યોગી આદિત્યનાથે ઘટનાને લઈને શોક વ્યક્ત કર્યો તથા ઈજાગ્રસ્તોના સમયસર સારવારના નિર્દેશ આપ્યા.
