મુખ્યમંત્રી ભૂપેન્દ્ર પટેલના નેતૃત્વમાં નવા મંત્રીમંડળના વિસ્તરણમાં ભાજપે ઝોન અને જાતિ બંને સ્તરે સંતુલન સાધવાનો પ્રયાસ કર્યો છે. સૌરાષ્ટ્ર-કચ્છમાંથી 9, મધ્ય ગુજરાતમાંથી 6, ઉત્તર ગુજરાતમાંથી 5 અને દક્ષિણ ગુજરાતમાંથી 4 મંત્રી લેવાયા છે. સાથે જ પાટીદાર સમાજને બળ આપતાં 8 નેતાઓને સ્થાન મળ્યું છે. અનુસૂચિત જાતિમાંથી 3 અને આદિવાસી સમાજમાંથી 4 ધારાસભ્યોને મંત્રીમંડળમાં સ્થાન અપાયું છે. આ સમીકરણ દ્વારા પાર્ટીએ રાજકીય ધ્રુવીકરણને નિયંત્રિત કરવાનો પ્રયાસ કર્યો છે, ખાસ કરીને આગામી ચૂંટણીને ધ્યાનમાં રાખીને.
