સૌરાષ્ટ્રમાં કમોસમી વરસાદથી ખેડૂતોના પાકને થયેલા ભારે નુકસાન વચ્ચે જૂનાગઢના ઉદ્યોગપતિ દિનેશભાઈ કુંભાણીએ માનવતા અને માતૃભૂમિપ્રેમનું ઉદાહરણ પૂરું પાડ્યું છે. સરકારે સર્વે શરૂ કરવાના પહેલા જ તેમણે બાદલપુર, સાખડાવદર, પ્રભાતપુર અને સેમરાળાના 1,200 ખેડૂતોને પ્રતિ હેક્ટર ₹11,000 પ્રમાણે કુલ ₹2.5 થી ₹3 કરોડનું વળતર આપવાની જાહેરાત કરી છે.
આ પહેલથી મગફળી, કપાસ અને સોયાબીનના પાકને નુકસાન સહન કરનારા ખેડૂતોને તાત્કાલિક રાહત મળશે અને પ્રાદેશિક સહકારની ભાવનાને પણ બળ મળશે.
