અમદાવાદ મ્યુનિસિપલ કોર્પોરેશન (AMC)ને આવનારા 2026-27ના બજેટ માટે નાગરિકો તરફથી કુલ 2,607 સૂચન મળ્યા છે. જેમાંથી 1,795 ફરજિયાત સેવાઓ અને 788 બિન-ફરજિયાત સેવાઓ સંબંધિત છે. રોડ અને ફૂટપાથ માટે 487, ડ્રેનેજ માટે 327, પાણી પુરવઠા માટે 297 અને સ્ટ્રીટ લાઇટિંગ માટે 280 સૂચનો પ્રાપ્ત થયા છે.
AMCએ જણાવ્યું છે કે નાગરિકોના આ સૂચનોનો વિગતવાર અભ્યાસ કરીને બજેટમાં યોગ્ય રીતે સમાવી લેવામાં આવશે. ચૂંટણી વર્ષ હોવાથી AMC આ વખતનું બજેટ સામાન્ય કરતાં એક મહિનો વહેલું રજૂ કરશે.
