વડોદરા નેશનલ હાઈવે-48 પર આજવા ચોકડી–કપુરાઈ ચોકડી માર્ગ પર ભયાનક અકસ્માત સર્જાયો હતો. ટ્રેક્ટર ચાલકે સ્ટિયરિંગ પરથી કાબૂ ગુમાવતા બાઈક સવાર સમીર સુમન શાહ અને બીનલ શાહ ટ્રોલી નીચે આવી ગયા હતા. પાછળથી આવતો ટ્રક દંપતી પરથી ફરી વળતાં બંનેનું ઘટનાસ્થળે જ મૃત્યુ થયું.
108 એમ્બ્યુલન્સ અને પોલીસ ટીમ તાત્કાલિક પહોંચી હતી. પોલીસે ટ્રેક્ટર અને ટ્રક ચાલકની ધરપકડ કરીને કાર્યવાહી શરૂ કરી છે. દંપતીના અકાળ મૃત્યુથી તેમના બે સંતાન નિરાધાર બન્યા છે.
