સમાજસેવક અન્ના હજારે દ્વારા 30 જાન્યુઆરીથી અંતિમ શ્વાસ સુધી ભૂખ હડતાળની ચીમકી આપ્યા બાદ મહારાષ્ટ્ર સરકાર તાત્કાલિક હરકતમાં આવી ગઈ. અન્નાએ લોકાયુક્ત કાયદો લાગુ ન થવા અંગે ગંભીર આક્ષેપો કર્યા હતા. તેમની ચેતવણીના માત્ર 24 કલાકમાં વિધાનસભાએ મહત્વપૂર્ણ સંશોધનને મંજૂરી આપી અને IAS અધિકારીઓને પણ લોકાયુક્તના દાયરામાં લાવવાનો નિર્ણય લીધો.
જોકે, કાયદો ક્યારે લાગુ થશે તેની જાહેરાત હજુ બાકી છે, પરંતુ અન્નાની ચીમકીએ રાજ્યની રાજકીય હલચલ વધારી દીધી છે. અન્ના હજારેનો દાવો છે કે આ લડત વ્યક્તિગત નહીં પરંતુ ભ્રષ્ટાચાર સામેની જાહેર લડત છે.
