વડોદરાઃ શહેરમાં એક ચોંકાવનારી ઘટના સામે આવી હતી. મોડર્ન લૂકની મહિલાઓએ નજર ચૂકવી 8 સોનાની બંગડીઓ સેરવી લીધી હતી. સ્ટોકની ગણતરી વખતે બંગડીઓ ઓછી જણાતા સીસીટીવી ચેક કરવામાં આવ્યા હતા. જેમાં આ ઘટના સામે આવી હતી. 10 લાખના દાગીનાની ચોરીથી ખળભળાટ મચી ગયો હતો.
મળતી વિગત પ્રમાણે, શહેરના જેતલપુર રોડ પર આવેલા એક જ્વેલર્સના શો રૂમમાં ગ્રાહકના સ્વાંગમાં ત્રણ મહિલાઓ આવી હતી. મોર્ડન દેખાતી આ મહિલાએ સેલ્સગર્લની નજર ચૂકવી 10 લાખની કિંમતના દાગીના સેરવી લીધા હતા. રાત્રે સ્ટોકની ગણતરી સમયે દાગીના ઓછા માલૂમ પડ્યા હતા. સીસીટીવી ચેક કરતાં ગ્રાહક બનીને આવેલી ત્રણ મહિલાએ દાગીનાની ચોરી કરતાં કેદ થઈ હતી.
